你冇同我講話可以退貨喎，我等咗你十幾日啦喎，你已讀不回我喎，即晚已經同你講，唔好扮晒嘢啦。仲話同我道歉？退錢退貨？你賣件貨嘅時候冇講清楚爛咗，冇人話二手希望要買到全新，要求冇損壞，有使用痕跡係非常之正常，亦都明白。而家問題係你知情不報，仲要嗰個好明顯唔係使用嘅損毁，而係特登搣爛。用咗三個月根本上就唔會咁樣整爛，我用咗呢個泵11個月，如果唔係我本身嗰個漏咗喺架車度搵唔返又只係做泵媽多兩個月，我根本唔會買二手。你唔好蝦我咩都唔知！嗰兩個係用嚟隔住個叉電位，防止泵奶嘅時候啲奶漏咗落去，確保衛生同埋唔會壞，只係用咗三個月根本冇可能咁樣整爛，冇常識嘅人先會貪方便搣爛佢叉電。我嘅問題就係叫工人姐姐交收，而你再次擺明蝦佢唔知道，繼續知情不報，加上我事前根本完全唔知道你搣爛咗，所以只係試咗機。我仲要交收前一晚，叫你幫我叉少少電俾姐姐到時試機，你無醒起爛左？仲要話咩”甩左兩塊膠仔”，你睇番張相啦，係搣爛！我即晚見到件貨已經message你，只係問咗你一句係咪搣爛咗，你。十。幾。日。一。句。都。無。覆。我。喎！仲要話自己冇記性。人唔笑狗都吠啦！一個咁有誠信同教養嘅家長，希望小朋友有個開心愉快嘅成長環境。