你話我面交係搏你會睇唔到啲花痕，如果我有心呃你就唔會同你面交啦，啲花痕咁明顯嘅話，當面交收時會睇唔到？作理由都作個好啲。如果我要呃你，直接順豐咪得。仲要比你放飛機，我出到觀塘，你先同我講等多你個半鐘。你話凑個女瞓覺，我明白身為人母嘅難處，所以都無話你咩。我仲話我已經出到黎不如就埋你去你個邊方便你。但最終你又話唔交收叫我寄俾你。琴晚我都唔想再嘈，已經多次話要俾返錢你，你俾返部機我，搵埋順豐上你門收件運費我俾。你又話你急用，我比你用埋寄俾我，你同我講你要外國工幹半年，半年後先比返我，送俾你好無？你以為諸多理由就可以咁玩人？到底而家係邊個玩嘢呀？你放飛機到而家講句唔好意思都無呀，好似老馮咁，盒嘢咁大攞住成日好過癮呀？ 我當初係睇在你話凑女嘅份上先繼續同你deal落去。 部機我的的確確只用過一次，覺得佢唔好用就無再用過。呢個post出咗有成年咁長，開post前部機已經比我放咗係度一段時間。當你話比我聽部機花曬， 呢點係我嘅責任，無check清楚部機嘅外表，而剩係睇下放咗咁耐仲用吾用到。 當你話部機花晒，當下我已經話吾好意思，亦願意賠返全數費用同個運費俾你。而家仲要撕爛塊臉黎話我，欺人太甚！