大家只要走去佢呢個人嘅Profile睇人哋對佢嘅留言，就知道呢個人係咩人。 用極多藉口同你講價都算，一早講好咗唔可以喺地鐵站交收，因為人手問題，佢應承咗，我專登安排人去到取貨位置，然後去到最後一刻佢先放飛機。 其實都係小事，但係嬲個位係發覺其他人對佢嘅留言都有類似嘅情況，所以我覺得唔能夠姑息呢啲人嘅行為。 佢係用呢個方法嚟搵食，搵食唔緊要，唔好阻到人。喺呢個平台度賣買嘢，大家都係想延續二手物品嘅生命，賣得平都係想免卻麻煩，但就係正正呢啲人破壞咗呢度嘅生態。 我首先俾咗劣評佢，我都預咗佢會喺我呢一邊俾返劣評我，我唔介意，至少可以令到下位跟佢賣買嘢嘅人有一個心理準備！ 後續： 嘩你都真係幾過分自己做錯咗唔認而家仲誣蔑我！澄清一下先！好耐之前，我曾經因為工作太忙嘅關係，同個買家講，我有時間就先寄俾佢，之後先再收佢錢，因為當時確實太忙冇時間見佢，到最後我仲未寄出，買家已經不耐煩，終止咗交易，仲給我負評。我接受，因為真是自己的問題，但我沒有收到他任何金錢，最多都係因為太忙沒有覆他的訊息，之後再找他，他已經說不需要了。所以完全唔係你所講咁樣，大家睇返當時買家給我嘅留言就知道。