首先，我冇要求一定你就我。你覺得太遲嘅可以傾幾時，賣家都有權利提出要求，而唔係喺度馬後炮扮到自己係受害者。 然後，我講嗮一般交易要有嘅時間、地點同付款方式竟然俾你話係諸多要求？鬧人都要有個譜喇，係咪不明不白咁樣交易然後再引發一大堆問題你好開心？ 最後，我唔係喺度鬧。我只不過想要一個合理解釋，咁敷衍嘅理由邊個頂得順，但凡話係嗰邊揾唔返、想自留、俾frd之類嘅都可以接受，偏偏嚟一句「唔賣喇」，講到好似係我有問題就發脾氣唔賣。我想要嘅就得解釋同原因，死都死得明白啲呀嘛，作為賣家or middleman呢啲基本嘢都畀唔到，話唔賣喇就算，同真正嘅賣家溝通返然後交代都唔肯。係comment鬧都係因為頂唔順嗰句你去投訴喇，完全唔想解決問題同矛盾，將買家當馬騮咁玩，你覺得好好笑？ 買賣之間最重要係溝通同合作，我全程同你溝通提出合理要求，而你就得表面嘅禮儀功夫，依家有問題就馬後炮，你個心同態度又喺邊？邊個有問題一目了然。 btw我係冇投訴嘅，我都清楚自己對於一個失敗嘅交易過於執着我都有問題，但係你呢？你又有冇正視過問題？你個reply令到我有必要重新考慮呢個決定。