首先 你簡介寫係GU嘅話 寄出嚟就應該係同一條 而唔係收到貨之後同我講原來係UNIQLO 完全唔係同圖片上同一條嘅問題 衣服顏色圖片上可能有誤差我可以理解 但係實際上係比圖片上淺一度 我對此有不滿比兩粒星有咩問題呢？其次 你講話 寄嘢迅速待客有禮 。我想同你講呢啲係最基本嘅嘢，只係因為而家有某D人做唔到先會拉低咗標準，如果你諗住咁就可以拉攏人心、比5星你就大錯特錯，交收最緊要就係件貨，貨有問題，你點好人我都唔理，我針對嘅從來唔係你嘅態度而係件貨嘅問題。仲有，寄貨迅速呢件事，查返咗原來係上門取寄，原本仲諗點解會收我25蚊。想問上門取寄又點會做唔到寄貨迅速？？你只係手機撳個掣就有人上門攞走就寄出，但反而係唔單止係我要出門取件，仲要比多13蚊。其實我原本冇乜所謂架，但你話呢個係我應該要比五星你嘅理由，講到係優點，真係唔係好高興。😅 最後，你話你都有權對顧客有評價。但現況係你見到顧客對你有不滿，所以就評價1星。事實就係你件貨有問題，我有不滿先會比2星。但你只係因為我拉低你嘅綜合評價就比1星。咁其實我都可以比1星你，只係我唔會同你做一樣嘅嘢