隨便你點講，同一樣貨，同一日寄，人地都收到，亦無欠郵資。 我無話你造假，第一日答你磅寄，因為係我老婆寄，所以答錯，之後都更正左，但點解郵局要再收你3.4，我都唔清楚，我已經俾足，其餘既唔該你自己問香港郵政，唔係問我。 但你搞笑到問我拎番車錢，你覺得合理？如果你起上水搭過去我又要俾你？你搭的士的又要俾你？小姐你只係俾20蚊買樣野，但郵費我已經俾左6蚊出去，你仲想點？我係要呃你既我貼0.1上去都得喇，我洗唔洗俾多個5.9？！如果你下次真係驚既，就搵50蚊既去買，一係你就順豐到付。咁大個人，係人都知起度買野雙方面都要承擔呢個風險，唔好屈得就屈。 再者你俾老公話，係你既事，唔係我既事。你自己要買，唔係我迫你要，我對得住天地良心。 呢個世界唔係得你一個要湊仔，我老婆都要，佢都要湊住個仔去寄，我係咪應該問你拎車費？ 最後，如果唔滿意，我唔介意你可以用番6蚊寄番俾我，我退番20蚊俾你，但你放心，如果真係唔夠郵資，我要去郵局拎，我唔會問你拎車費既。