喺廣告上面張相影得清清楚楚,而且亦都畀買家上屋企睇清楚實物先至決定要唔要,佢自己睇清睇楚,check完又check,冇問題之後,搬走咗之後又話畀我聽少咗隻腳(其實只係一粒膠的)要減價,根本上個雪櫃一路都企得好穩陣,冇可能會少咗一粒膠的,我覺得無理由但都選擇相信佢,應承減俾佢,最後佢只係用咗380蚊買咗一個完全可以用嘅panasonic雪櫃,再之後又問我點解少咗一個膠櫃桶,我同佢講由頭到尾我都係咁用,我唔知道點解少咗一個膠櫃桶,但係重點係我張相影得好清楚,根本上我張相就係冇膠櫃桶,佢攞走嘅嘢同我影嘅嘢完全係一模一樣,係實物,完全冇欺騙過佢。呢個賣家不停講價,我都遷就曬佢,之後仲要講人壞話,如果佢想同你哋買嘢,千祈好賣畀佢,以免令到自己咁激氣。 至於佢話部機好殘舊,我唔知佢係用乜嘢標準,如果佢用新機嘅標準咁冇辦法啦,都係嗰句,我張相有放大而且影得好清楚,再加上佢上嚟睇咗實物先至搬走,如果真係好似佢口中覺得咁殘舊,佢大可以唔要,無需要講曬價搬走咗之後先喺度中傷人。 部舊冷氣我覺得唔夠凍無賣俾人,拿去回收舖都有200蚊,但係部雪櫃咁新淨,我唔想嘥先至賣,否則拿去回收舖都有幾百蚊仲唔使咁激氣