好後悔心軟冇比壞評價你，唔誠實仲要咁嘅態度？我係嘈你要退錢定點？諗住大家好來好去，成個交易已就你係你屋企樓下交收，你就遲到接近20分鐘，康城站又偏僻冇乜車，怪我點解冇檢查清楚？我只係得幾分鐘時間可以檢查個袋係真定假，就要趕去銅鑼灣睇戲食飯，真心冇諗過你會遲咁耐。如果你唔遲到，我咪有多20分鐘去檢查囉，你估我成日嘅時間就係同你交易？冇其他嘢做？個袋全新約七千，仲要停產左，我係出合理價，你聲稱係接近全新，袋既四角位爆曬可理解為使用痕跡，但重點係個袋入邊明明已經發霉有一大塊黑色，你冇同人講，到最後仲要怪責個買家冇好好檢查清楚，就係太信你，信你講嘅接近全新，我交易前已經再三問過你，你都係答我係幾乎全新，你交易完先講其實有使用痕跡好正常，我根本唔係介意有痕跡，係介意發霉，定係大家嘅中文水平唔同？我係不滿你講大話描述個袋新淨其實發霉，我自問自己已好講道理，只係私下同你反映問題，亦冇講退錢定俾壞評價你。點知你賤到調轉啲嘢講，究竟係邊一個有問題心知肚明，衰在冇得放相，唔係可放相等大家可以評下，二千九買發霉袋我應該滿意？賣嘢唔誠實都算，你最賤嘅係明明錯既係你仲要俾壞評價我，勸你做個正常人，人在做天在看！